Orhany pravaparadku pastavili byłoha palitźniavolenaha Arcioma Prakapienku na prafiłaktyčny ŭlik terminam na 5 hadoŭ.
Raniej jaho baćka paviedamiŭ, što ŭ dačynieńni da Arcioma nijakich mier kantrolu nie prymianiali.
Adnak paźniej sam były palitźniavoleny ŭdakładniŭ, što ŭ milicyi jaho «pastavili na ŭlik jak čałavieka, jaki vyzvaliŭsia ź miescaŭ pazbaŭleńnia voli». «Nijakich abmiežavańniaŭ, ničoha niama. Ale mnie skazali, što kali buduć niejkija administracyjnyja parušeńni, to mianie pastaviać na previentyŭny nahlad, jany majuć prava mianie pastavić», — padkreśliŭ jon.
Arciom Prakapienka vyjšaŭ na volu 22 žniŭnia paśla pryniataha Alaksandram Łukašenkam rašeńnia ab pamiłavańni. U toj ža dzień razam ź im byli vyzvalenyja i inšyja palitźniavolenyja — Mikałaj Statkievič, Ihar Alinievič, Mikałaj Dziadok, Jaŭhien Vaśkovič i Juryj Rubcoŭ.
