U Minsku ŭ lipieni 2015 hoda maksimalnaja siaredniaja zarabotnaja płata była ŭ śpiecyjalistaŭ, źviazanych z vyličalnaj technikaj, — 28 młn 21 tys. 565 rubloŭ, minimalnaja — u sacrabotnikaŭ — 5 młn 94 tys. 219 rubloŭ, paviedamili ŭ hałoŭnym statystyčnym upraŭleńni stalicy.
Naminalnaja siaredniamiesiačnaja zarabotnaja płata rabotnikaŭ Minska ŭ studzieni—lipieni 2015 hoda skłała 8 młn 899,4 tys. rubloŭ. U tym liku ŭ lipieni skłała 9 młn 359,2 tys. rubloŭ i źmienšyłasia ŭ paraŭnańni z červieniem 2015 hoda na 0,4%, ci na 38,9 tys. rubloŭ.
Realnaja zarabotnaja płata (raźličanaja z ulikam rostu spažyvieckich cen na tavary i pasłuhi) u studzieni—lipieni 2015 hoda ŭ paraŭnańni sa studzieniem—lipieniem 2014 hoda źmienšyłasia na 0,8%, u lipieni 2015 hoda ŭ paraŭnańni ź lipieniem 2014 hoda — na 0,3%.
U lipieni ŭ pramysłovaści siaredniaja zarabotnaja płata skłała 8 młn 38,4 tys. rubloŭ, u budaŭnictvie — 10 młn 271,1 tys., na transparcie i ŭ suviazi — 9 młn 661,5 tys., u sielskaj haspadarcy, palavańni i lasnoj haspadarcy — 7 młn 317,8 tys., u adukacyi — 5 młn 852,6 tys., u tym liku nastaŭnikaŭ — 6 młn 211,9 tys., prafiesarska-vykładčyckaha składu — 7 młn 977,6 tys. rubloŭ.
Zarabotnaja płata rabotnikaŭ achovy zdaroŭja i akazańnia sacyjalnych pasłuh u lipieni 2015 hoda skłałasia ŭ pamiery 7 młn 161 tys. rubloŭ, u tym liku ŭ halinie achovy zdaroŭja — 7 młn 243,1 tys. rubloŭ. Siaredniaja zarabotnaja płata ŭračoŭ skłała 9 młn 968,9 tys. rubloŭ, siaredniaha miedycynskaha piersanału — 7 młn 7,3 tys. rubloŭ.
