Čatyry čałavieki, u tym liku dvoje małaletnich dziaciej, paciarpieli ŭ DTZ u Minskim rajonie.
Jak paviedamlaje ŭpraŭleńnie DAI UUS Minabłvykankama, 25 žniŭnia prykładna ŭ 8.55 na 350-m kiłamietry aŭtadarohi Brest — Minsk — miaža RF, kala vioski Bielica, vadziciel 1981 hoda naradžeńnia, žychar Bresta, ruchajučysia na aŭtamabili «Falksvahien-Pasat», najechaŭ na mietaličnuju aharodžu, paśla čaho mašyna źjechała ŭ kiuviet i pierakuliłasia.
U vyniku avaryi vadziciel i jaho žonka 1984 hoda naradžeńnia z zakrytaj čerapna-mazhavoj traŭmaj lohkaj stupieni, strasieńniem hałaŭnoha mozhu dastaŭlenyja ŭ balnicu. U aŭtamabili taksama byli ich małaletnija dzieci. Dziakujučy tamu, što dziaŭčynka 2010 hoda naradžeńnia znachodziłasia na piarednim siadzieńni ŭ dziciačym śpiecyjalnym kreśle (bustary) i była pryšpilenaja remieniem biaśpieki, udałosia paźbiehnuć surjoznych traŭm. A voś chłopčyk 2015 hoda naradžeńnia atrymaŭ zakrytuju čerapna-mazhavuju traŭmu siaredniaj stupieni i šmatlikija rany i ŭdary. Jak vyśvietliłasia, dzicia znachodziłasia na rukach u maci na zadnim siadzieńni aŭtamabila. Dzieci taksama dastaŭlenyja ŭ miedycynskuju ŭstanovu.
