Pieradvybarnaja kampanija pretendenta na pasadu prezidenta ad Libieralna-demakratyčnaj partyi Siarhieja Hajdukieviča projdzie pad łozunham «Za mocnuju Biełaruś!», paviedamlaje pres-słužba arhanizacyi.
Asnoŭny słohan kampanii: «Paradak u krainie, dastatak u domie».
Na etapie praviadzieńnia ahitacyi štab Hajdukieviča maje namier zrabić asnoŭny ŭpor na vuličnyja pikiety i pramyja znosiny z vybarščykami.
U padtrymku vyłučeńnia Hajdukieviča kandydatam u prezidenty ŭ vybarčyja kamisii zdadziena 141.842 podpisy.
Šaścidziesiacihadovy Siarhiej Hajdukievič udzielničaŭ u prezidenckich kampanijach 2001, 2006 i 2010 hadoŭ. U 2001 hodzie za jaho, pavodle źviestak CVK, prahałasavała 2,48%, u 2006-m — 3,5% vybarščykaŭ. U 2010 hodzie Hajdukievič abviaściŭ, što 100 tysiač podpisaŭ, nieabchodnych dla rehistracyi jaho kandydatam u prezidenty, sabranyja, ale zatym źniaŭsia z vybaraŭ, nazvaŭšy ich «śpiektaklem, vyniki jakoha ŭžo daŭno ŭsim viadomyja».
Razhledzieć pytańnie ab rehistracyi kandydataŭ u prezidenty CVK płanuje na pasiadžeńni 10 vieraśnia.
Piatyja vybary prezidenta Biełarusi projduć 11 kastryčnika.
