Staršynia Centrvybarkama Biełarusi Lidzija Jarmošyna dumaje, što pradstaŭniki misii naziralnikaŭ BDIPČ ABSIE «buduć abjektyŭnyja» pry acency prezidenckaj vybarčaj kampanii. Pra jana zajaviła BiełaPAN, kamientujučy vyniki siońniašniaj sustrečy z kiraŭnikom misii Žakam Foram.
26 žniŭnia CVK uručyła 11 paśviedčańniaŭ mižnarodnych naziralnikaŭ pradstaŭnikam misii Biuro pa demakratyčnych instytutach i pravach čałavieka (BDIPČ) ABSIE. Čakajecca, što na nastupnym tydni ŭ Biełaruś prybuduć jašče 36 naziralnikaŭ.
Pavodle słoŭ Jarmošynaj, na sustrečy pradstaŭniki misii «zadavali arhanizacyjnyja pytańni dostupu da ŭsioj infarmacyi, jakaja jość u Centralnaj kamisii: da skarhaŭ, mahčymaści ažyćciaŭleńnia rehularnych kantaktaŭ z našymi supracoŭnikami». «Heta byli pytańni efiektyŭnaj pracy misii. Taksama jany aznajomili nas, jak jany płanujuć pracavać», — skazała kiraŭnik CVK.
Jarmošyna prainfarmavała naziralnikaŭ misii pra sprobu Mikałaja Statkieviča ŭdzielničać u prezidenckich vybarach i rastłumačyła, čamu Centrvybarkam nie zarehistravaŭ jaho inicyjatyŭnuju hrupu. Kiraŭnik CVK taksama rastłumačyła, što navat ciapier, vyjšaŭšy na volu, Statkievič nie zmoh by ŭdzielničać u vybarach u jakaści kandydata ŭ prezidenty ŭ suviazi z najaŭnaściu sudzimaści.
Jak paviedamlałasia raniej, kiraŭnik misii naziralnikaŭ BDIPČ ABSIE francuz Žak For, były sustaršynia Minskaj hrupy ABSIE, siońnia ŭ 15.00 praviadzie pres-kanfierencyju z nahody aficyjnaha adkryćcia misii ŭ Minsku.
