U bližejšyja sutki ŭmovy nadvorja na terytoryi Biełarusi budzie ŭ asnoŭnym vyznačać vobłaść pavyšanaha atmaśfiernaha cisku. Čakajecca pieramiennaja vobłačnaść. Pieravažna biez apadkaŭ, tolki nočču miescami pa ŭschodzie krainy projduć karotkačasovyja daždžy. Nočču i ranicaj u asobnych rajonach słaby tuman. Viecier pieramiennych napramkaŭ umierany. Tempieratura pavietra minimalnaja nočču +8.. + 14°C, maksimalnaja dniom 23.. + 29°S. Atmaśfierny cisk istotna nie źmienicca.
U nastupnyja dvoje sutak zachavajecca ciopłaje nadvorje.
28 žniŭnia terytoryja Biełarusi budzie znachodzicca pad upłyvam antycykłonu z centram nad Kijeŭskaj vobłaściu, i tolki na paŭnočnym zachadzie krainy adabjecca ŭpłyŭ atmaśfiernaha frontu, jaki pieramiaščajecca z Polščy. Čakajecca pieravažna biez apadkaŭ nadvorje, tolki dniom miescami pa paŭnočnym zachadzie projduć karotkija daždžy. Tempieratura pavietra nočču +10.. + 17°C, dniom +25.. + 30°C, pa paŭdniovym zachadzie pavietra prahrejecca da + 32 ° C.
29 žniŭnia nadvorje abumović atmaśfierny front, jaki pieramiaščajecca z paŭnočna-zachodnich rajonaŭ Biełarusi na ŭschod. Miescami karotkačasovyja daždžy. Viecier zachodni ŭmierany, dniom miescami mocny paryvisty. Tempieratura pavietra nočču +13.. + 18°C, dniom maksimum składzie 20.. + 25°C, miescami jana pavysicca da + 27°C.
