Žychar Mastoŭskaha rajona asudžany za nieadnarazovyja zhvałtavańni svajoj dački.
Ab hetym paviedamiŭ prakuror Hrodzienskaj vobłaści Viktar Marozaŭ. Mužčyna prysudžany da 11 hadoŭ pazbaŭleńnia voli z adbyvańniem termina ŭ kałonii ŭzmocnienaha režymu.
«Vypadak vielmi surjozny. Baćka na praciahu niekalkich hadoŭ hvałtavaŭ ułasnuju dačku ŭ adnapakajovaj kvatery, i nichto nie viedaŭ. Heta prymušaje zadumacca nad efiektyŭnaściu psichałahičnaj słužby, vychavaŭčaj raboty va ŭstanovach adukacyi. Dziaŭčynka prychodziła ŭ škołu ź siniakami, była zamknionaj, raśsiejanaj.
Supraćpraŭnyja dziei z boku baćki praciahvalisia doŭhi čas, ale nichto z darosłych hetaha nie zaŭvažaŭ. Dzicia było paprostu zahnana ŭ kut, bo mienavita da blizkich ludziej i nie mahło źviarnucca pa dapamohu.
Hety vypadak atrymaŭ ahałosku, a kolki siamiejnych dram i trahiedyj adbyvajecca udalečyni ad čužych vačej? Adkaznaść za pałavuju niedatykalnaść niepaŭnaletnich pavinny adčuvać u tym liku i piedahohi, jakija niepasredna pracujuć ź dziećmi, kłasnyja kiraŭniki, psichołahi škoł», — miarkuje prakuror.
