Rasspažyŭnahlad rasparadziŭsia źniać z prodažu ŭ Rasii šerah pralnych paraškoŭ i myjnych srodkaŭ viadomych impartnych vytvorcaŭ, paviedamlajecca na sajcie viedamstva.
Pry daśledavańni pralnych paraškoŭ i myjnych srodkaŭ šerahu vytvorcaŭ, u tym liku Henkel, Procter & Gamble i Colgate-Palmolive, vyjaŭlenaja nieadpaviednaść pa taksikałahičnych pakazčykach biaśpieki, śćviardžajuć u Rasspažyŭnahladzie.
«Daśledavańni bytavoj chimii i myjnych srodkaŭ inšych vytvorcaŭ praciahvajucca», — havorycca ŭ paviedamleńni.
Pavodle dadzienych ŚMI, listy ad čynoŭnikaŭ z patrabavańniem prybrać myjnyja srodki z prodažu ŭžo atrymali ŭ sietkach Metro Cash & Carry, «Ašan» i Ch5 Retail Group.
Zamiežnyja kampanii na rasijskim rynku pralnych paraškoŭ i myjnych srodkaŭ zajmajuć prykładna 75%.
U Tavarystvie abarony pravoŭ spažyŭcoŭ nazvali zabaronu na prodaž myjnych srodkaŭ viadomych handlovych marak «nieabhruntavanym umiašańniem u pradprymalnickuju dziejnaść».
U arhanizacyi ličać, što rašeńnie Rasspažyŭnahlada parušaje svabodnuju kankurencyju, akramia taho, jano pryviadzie da rostu koštaŭ na tavary bytavoj chimii, a jakaść anałahaŭ, jakija zastalisia na palicach kram, źnizicca.
«Jak pakazvali daśledavańni ŭzoraŭ bytavoj chimii, jakija pravodziacca TAPS, jakaść tavaraŭ nazvanych handlovych marak u cełym vyšejšaja za ich ajčynnyja anałahi», — havorycca ŭ zajavie TAPS.
