25 žniŭnia były palitźniavoleny Juryj Rubcoŭ sabraŭ nieabchodnyja dakumienty, kab stać na prafiłaktyčny ŭlik u kryminalna-vykanaŭčaj inśpiekcyi Savieckaha RAUS Homiela.
Pry vyzvaleńni z babrujskaj kałonii jamu było pradpisana na praciahu troch dzion źjavicca ŭ miascovuju milicyju i stać na ŭlik. «Prajšoŭ daktyłaskapiju, uziaŭ papierki ŭ kryminalnym vyšuku i ŭ učastkovaha, zaŭtra ŭsio heta zdam u kryminalna-vykanaŭčuju inśpiekcyju. Nazirańnie za mnoj budzie doŭžycca dva hady», — paviedamiŭ były palitźniavoleny.
Jamu možna budzie pieramiaščacca ŭsiudy, ale kali pajezdka zaciahniecca na miesiac i bolš, to nieabchodna budzie paviedamić ab hetym u milicyju z ukazańniem adrasu znachodžańnia. Taksama nielha ŭčyniać administracyjnyja pravaparušeńni. «A voś hety punkt nialohka vykanać, bo ŭ nas čałaviek moža iści pa biaźludnaj vulicy siarod nočy i raptam pačać łajacca matam. Sami milicyjaniery mohuć «arhanizavać» pry nieabchodnaści pravaparušeńnie. Tak što svaboda ŭ nas umoŭnaja», — prakamientavaŭ Rubcoŭ.
Jon užo rabiŭ sproby ŭładkavacca na pracu, ale pakul biezvynikova. «U nas ža padatak na darmajedstva, nie ŭładkuješsia na pracu — płaci dziaržavie hrošy. Nikoli bahataj nie stanie kraina, u jakoj hramadzianie — žabraki, ale naš prezident hetaha nie razumieje», — padkreśliŭ hamialčanin.
Rubcovu nieabchodna prajści abśledavańnie va ŭmovach stacyjanara z-za prablem z nahoj, jakija ŭźnikli ŭ kałonii.
