Dziaržaŭnaja enierhahienieryrujučyja kampanija «Centrenierha» pačała impartavać vuhal marki «A» (antracytnaj hrupy) z Kuźnieckaha vuhalnaha basiejna (Rasija).
Pra heta na pasiadžeńni antykryzisnaha enierhietyčnaha štaba 20 žniŭnia zajaviŭ ministr enierhietyki i vuhalnaj pramysłovaści Ukrainy Uładzimir Dziamčyšyn.
«Na siońnia «Centrenierha», nakolki ja viedaju, adhružaje z Kuzbasa pieršuju partyju. Čakajecca, što heta budzie 200 tys. (ton) na praciahu bližejšaha času. Ja dumaju, što pieršyja vahony ŭžo da kanca žniŭnia pastupiać na stancyi», — skazaŭ ministr.
Dziamčyšyn taksama adznačyŭ, što ŭ «Centrenierha» užo jość damoŭlenaści ab pieršych pastaŭkach vuhalu marskim šlacham na kaniec vieraśnia — pačatak kastryčnika.
Pa słovach Dziamčyšyna, zhodna z płanam, da 1 kastryčnika na składach TES pavinna znachodzicca 2,7 młn ton vuhalu, a na składach CEC — paradku 500 tys. ton (u ahulnaj kolkaści — 3,2 młn ton).
U lipieni «Centrenierha» abviaściła tender z metaj damovicca z kampanijami, jakija mohuć zabiaśpiečyć pastaŭki nie mienš za 200 tys. ton na ŭmovach DAP (na punktach propusku na ŭkrainska-rasijskaj miažy) i nie mienš za 300 tys. ton na ŭmovach CIF (u ŭkrainskija party Čornaha mora).
Pa stanie na 25 žniŭnia zapasy vuhalu na składach TES składali 1 318,6 tys. ton (ź ich 585,7 tys. ton antracyta).
U skład «Centrenierha» uvachodziać Vuhlehorskaja (Danieckaja vobłaść), Trypalskaja i Źmijeŭskaja ciepłaelektrastancyi sumarnaj prajektnaj mahutnaściu 7,6 HVt.