Alaksandr Łukašenka płanuje naviedać Kitaj 3 vieraśnia dla ŭdziełu va ŭračystaściach z nahody 70-hodździa pieramohi ŭ vajnie ź Japonijaj. Pra heta, pavodle infarmacyi ahienctva Sińchua, paviedamiŭ namieśnik ministra zamiežnych spraŭ Kitaja Čžan Min.
Jon adznačyŭ, što svoj udzieł va ŭračystych mierapryjemstvach paćvierdzili 49 krain, u tym liku lidery i kiraŭniki ŭradaŭ 30 krain.
Siarod kiraŭnikoŭ dziaržaŭ, jakija paćvierdzili svoj udzieł, značacca taksama prezidenty Rasii, Kazachstana, Paŭdniovaj Karei, Čechii, Manholii, Mjanmy, Łaosa, Sierbii, Vieniesueły, Paŭdniova-Afrykanskaj Respubliki, Pakistana, Tadžykistana.
Paćvierdzić hetuju infarmacyi ŭ pres-słužbie biełaruskaha kiraŭnika pakul nie ŭdałosia.
0
0
0
0
0
0
