25 žniŭnia ŭ sudzie Zavodskaha rajona Minska abvieščany prysud pa spravie ab niezakonnaj pradprymalnickaj dziejnaści. Adzin z abvinavačanych pa častcy 3 artykuła 233 KK — Dzianis Zamiatalin, syn byłoha hałoŭnaha ideołaha krainy Uładzimira Zamiatalina.
Sud pryznaŭ jaho vinavatym u pradprymalnickaj dziejnaści, što ažyćciaŭlajecca bieź dziaržaŭnaj rehistracyi, spałučanaj z atrymańniem dachodaŭ u asabliva bujnym pamiery, ździejśnienym arhanizavanaj hrupaj. Z ulikam pakarańnia, raniej pryznačanaha Zamiatalinu hetym ža sudom, jon asudžany da šaści hadoŭ pazbaŭleńnia voli z kanfiskacyjaj majomaści. Jamu zabaroniena zajmacca pradprymalnickaj dziejnaściu ciaham piaci hadoŭ.
Razam z Zamiatalinym pa spravie prachodziać Uładzimir Razumovič, Valancin Sajko i rasijanin Alaksiej Kulik. Jany pryznanyja vinavatymi ŭ ździajśnieńni anałahičnaha złačynstva i prysudžanyja kožny da ciaham troch hadoŭ pazbaŭleńnia voli z kanfiskacyjaj majomaści i zabaronaj ciaham piaci hadoŭ zajmacca pradprymalnickaj dziejnaściu. Hetyja traim byli abranyja miery strymańnia, nie źviazanyja z pazbaŭleńniem voli. Jany ŭziatyja pad vartu ŭ zale suda.
Z čaćviarych abvinavačanych pa hramadzianskich pazovach sud pastanaviŭ spahnać paradku 70 młrd rubloŭ. U liku majomaści, jakaja budzie kanfiskavana, — aŭtamabili «Leksus», «Akura», «Aŭdzi». Prysud moža być abskardžany ŭ Minskim haradskim sudzie.
17 krasavik hetaha hoda Dzianis Zamiatalin byŭ asudžany hetym ža sudom pa tym ža składzie złačynstva, ale ŭ inšaj kampanii. Sud pryznačyŭ jamu pakarańnie ŭ vyhladzie pazbaŭleńnia voli terminam na piać z pałovaj hadoŭ u kałonii va ŭmovach ŭzmocnienaha režymu z kanfiskacyjaj majomaści i zabaronaj zajmacca pradprymalnickaj dziejnaściu na praciahu piaci hadoŭ.
