Amierykanski źniščalnik 5 pakaleńnia F-35A Lightning II vyprabavaŭ 4-rulnuju aŭtamatyčnuju harmatu GAU-22/A, paviedamiŭ aficyjny sajt prajekta na minułym tydni.
F-35A — zvyčajnaja madyfikacyja šmatmetavaha samalota dla VPS ZŠA. Jašče isnujuć varyjanty F-35B — sa skaročanym uźlotam i viertykalnaj pasadkaj (dla Korpusa Marskoj piachoty), i F-35C — z trochi bolšymi składnymi kryłami (dla avijacyi Vajenna-marskich sił).
airwar.ru
Harmata važyć 104 kh i maje chutkastrelnaść da 3300 strełaŭ u chvilinu.
«F-35A zrabiŭ 181 strełaŭ sa svajoj 25-milimietrovaj hatlinh-puški padčas naziemnaha vyprabavańnia na bazie VPS Edvards raniej u hetym miesiacy. Puška staić u levym kryle F-35A i daje mahčymaść vieści ahoń pa pavietranych i naziemnych celach», — havorycca ŭ aficyjnym relizie.
Śpiecyjalna adznačajecca, što puška da adkryćcia ahniu zastajecca schavanaj u korpusie, kab samalot zastavaŭsia maksimalna «niabačnym» dla radaraŭ. Dalejšyja vyprabavańni buduć praviarać intehravanaść puški z avijonikaj samalota, upłyŭ stralby na samalot padčas palotu, vibracyi, što ŭźnikajuć ad ahniu puški, i akustyčnyja efiekty.
Płanujecca, što ŭ 2017 hodzie F-35 užo budzie mieć całkam vyprabavanuju pušku.