Rasija zacikaŭlenaja ŭ narmalizacyi adnosinaŭ Biełarusi z Zachadam. Ab hetym zajaviŭ 24 žniŭnia ministr zamiežnych spraŭ RF Siarhiej Łaŭroŭ na ŭsierasijskim maładziožnym adukacyjnym forumie «Terytoryja sensaŭ na Klaźmie».
ria.ru
«My raźvivajem adnosiny z usimi, chto hatovy da hetaha, na asnovie raŭnapraŭja, uzajemnaj vyhady i ŭzajemnaj pavahi. U nas niama nijakich praduziataściaŭ. Bolš za toje, my zacikaŭleny ŭ tym, kab Biełaruś narmalizavała svaje adnosiny z Zachadam», — cytuje Łaŭrova rasijskaje ahienctva TASS.
«Usie hetyja hady, što ja ministr, Biełaruś znachodziłasia pad tymi ci inšymi sankcyjami z boku Zachadu. Na ŭsich sustrečach ź Jeŭrasajuzam, z amierykancami my havaryli, što heta tupikovy šlach, što treba nie izalavać, a ŭciahvać. My aktyŭna dabivalisia, ź niekatorymi pośpiechami, uciahvańnia Biełarusi ŭ rabotu Savieta Jeŭropy, členam jakoha jana pakul nie źjaŭlajecca», — padkreśliŭ ministr.
22 žniŭnia Alaksandr Łukašenka pamiłavaŭ i vyzvaliŭ sa źniavoleńnia šaściarych palitviaźniaŭ, u tym liku byłoha kandydata ŭ prezidenty krainy Mikałaja Statkieviča. U adkaz na heta ŭ Jeŭrasajuzie zajavili, što kiraŭniki MZS ES na niefarmalnaj sustrečy 4—5 vieraśnia ŭ Luksiemburhu razhledziać mahčymaść prypynieńnia sankcyj suprać Biełarusi. Dziarždepartamient ZŠA nazvaŭ pamiłavańnie i vyzvaleńnie sa źniavoleńnia Statkieviča važnym krokam da narmalizacyi adnosinaŭ Minska z Vašynhtonam.
