«Ni ja, ni maja kamanda nie sychodziać z prezidenckaj kampanii», — zajaviŭ staršynia Abjadnanaj hramadzianskaj partyi Anatol Labiedźka 24 žniŭnia na pres-kanfierencyi ŭ Minsku.
«My nie stavili samametaj sabrać sto tysiač podpisaŭ, ale i nie admovilisia b ad ich, kali b vałanciory ich sabrali. Pakul my stracili tolki vystup na telebačańni i radyjo», — skazaŭ palityk, inicyjatyŭnaja hrupa jakoha sabrała bolš za 52 tysiač podpisaŭ u padtrymku vyłučeńnia jaho kandydatam u prezidenty.
U toj ža čas, padkreśliŭ Labiedźka, «my admaŭlajem takija farmuloŭki, jak «syšli z dystancyi», «skončyli ŭdzieł u vybarach». «Vybačajcie, pra jakuju dystancyju i jakija vybary moža iści razmova ŭ Biełarusi? Heta ad pačatku była vyklučna palityčnaja kampanija, tamu što sapraŭdnych vybaraŭ u Biełarusi niama», — skazaŭ jon.
«Jak tolki skončycca čas cišyni (pačniecca ahitacyjnaja kampanija), vyjdziem ź pikietami, pojdziem da ludziej, budziem źbirać podpisy ŭ padtrymku prahramy «Miljon novych pracoŭnych miescaŭ». Pa-druhoje, my budziem źbirać podpisy za adstaŭku ŭrada i kiraŭnika CVK Lidzii Jarmošynaj jak simvała tatalnaha hłupstva, łachatronu, jakija jość na siońnia ŭ Biełarusi. My nikudy nie sychodzim. My zastajemsia z našymi vybarščykami, budziem aktyŭna ź imi pracavać na zaklučnaj fazie vybarčaj kampanii», — zajaviŭ Labiedźka.
