Da kanca leta zachavajecca ciopłaje nadvorje, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
U aŭtorak, 25 žniŭnia, nadvorje na terytoryi Biełarusi budzie hałoŭnym čynam vyznačać vobłaść pavyšanaha atmaśfiernaha cisku, tolki k viečaru ŭ krajnich paŭdniova-zachodnich rajonach krainy budzie adčuvalny ŭpłyŭ frantalnaha raździełu, adznačyŭ sinoptyk. Pieravažna biez apadkaŭ, k viečaru miescami pa paŭdniovym zachadzie Hrodzienskaj i Bresckaj abłaściej nievialikija karotkačasovyja daždžy. Tempieratura pavietra nočču plus 10—16°S, dniom plus 25—29°S, u paŭdniova-zachodnich rajonach plus 30—31°S.
U sieradu praź Biełaruś budzie prachodzić atmaśfierny front z Zachodniaj Jeŭropy, miescami pa krainie čakajucca karotkačasovyja daždžy, mahčymyja navalnicy. Tempieratura pavietra nočču plus 10—17°S, dniom plus 20—26°S.
«Dalej uładu nad nadvorjem voźmie čarhovy antycykłon», — paviedamiŭ Rabaŭ. U čaćvier pieravažna biez apadkaŭ, tolki nočču z sychodam frontu ŭ asobnych rajonach pa paŭnočnym uschodzie mahčymyja nievialikija karotkačasovyja daždžy. Tempieratura pavietra nočču plus 8—15°S, dniom plus 22—27°S, pa paŭdniovym zachadzie da plus 29°S. U piatnicu biez apadkaŭ, tempieratura pavietra nočču plus 9—16°S, dniom plus 25—32°S.
U subotu na fonie vysokaha atmaśfiernaha cisku budzie prachodzić małaaktyŭny atmaśfierny front, tamu ŭ asobnych rajonach mahčymyja karotkačasovyja daždžy. Tempieratura pavietra nočču plus 12—19°S, dniom plus 20—27°S, pa poŭdni plus 28—32°S.
U niadzielu pieravažna biez apadkaŭ. Tempieratura pavietra nočču plus 9—16°S, dniom plus 21—28°S, pa paŭdniovym zachadzie da plus 30°S.
