Na sajcie dziaržzakupak źjaviłasia abjava pra zakup kamplekta posudu na sumu kala 5 miljardaŭ biełaruskich rubloŭ.
Zamoŭcam vystupaje Upraŭleńnie kapitalnaha budaŭnictva Minharvykankama, krynica finansavańnia — miascovy biudžet.
Zajaŭlenaja suma dla nabyćcia posudu składaje 4 864 746 072 biełaruskich rubloŭ, na momant padačy abjavy (15 lipienia) heta było kala 317 tysiač dalaraŭ, ciapier suma rastała da 294 tysiač dalaraŭ.
Za hetyja hrošy Minharvykankam płanuje nabyć «adzin kamplekt» stałovaha posudu, jaki musić utrymlivać vyhnuty 3D-malunak, vykanany zołatam.
Dla kaho pryznačany hety posud, «Našaj Nivie» vyśvietlić nie ŭdałosia — «adkaznyja asoby», čyje numary paznačanyja na sajcie zakupak, skazali, što «nie vałodajuć situacyjaj».
Ale možna mierkavać, što posud čarhovy raz zakuplajecca dla rezidencyi prezidenta «Pałac Niezaležnaści». Prynamsi, raniej mienavita UKB Minharvykankama zakuplała darahi posud dla novaj rezidencyi Alaksandra Łukašenki na praśpiekcie Pieramožcaŭ.
Akurat tudy raniej mieli nabyć elitny niamiecki posud Falken-Porzellan, kamplekt posudu za 258 tysiač dalaraŭ i nabor knih za 72 tysiačy.
