Prezident Kazachstana patłumačyŭ pierachod da svabodnaha płavajučaha kursu tenhie.
«U nas było try vychady: abo ničoha nie rabić, siadzieć i čakać palapšeńnia situacyi, adnak canoj takoj palityki było b skaračeńnie ŭłasnaj vytvorčaści krainy, strata pracoŭnych miescaŭ i «paleńnie» valuty, našych reziervaŭ. Druhi varyjant — płaŭnaje pasłableńnie kursu tenhie ŭ miežach kalidora, takuju palityku da hetaha času vioŭ Nacbank, taki varyjant taksama patrabuje vialikich vydatkaŭ zołatavalutnych reziervaŭ. Heta pryviadzie da niekankurentnaści i da ahulnych vialikich strataŭ.
Tamu, padumaŭšy, praličyŭšy ŭsie mahčymaści, najbolš pravilnym źjaŭlajecca ŭviadzieńnie svabodna płavajučaha kursu tenhie, pierachod da inflacyjnaha tarhietavańnia. Urad i Nacbank siońnia zrabili zajavu pa pierachodzie da svabodna płavajučaha kursu tenhie. Heta značyć kurs budzie vyznačacca rynkam. Treba prosta skazać — heta vymušanaja miera, inšaj alternatyvy nie było. Kryzis zaŭsiody ŭnosić svaje karektyvy «, - padkreśliŭ prezident.
Siońnia ŭrad Kazachstana sumiesna z Nacyjanalnym bankam zajaviŭ pra pierachod da realizacyi novaj hrašova-kredytnaj palityki, zasnavanaj na režymie inflacyjnaha tarhietavańnia. Jana maje na ŭvazie admienu valutnaha kalidora i pierachod da svabodna płavajučaha abmiennaha kursu. Kurs dalara pa vynikach ranišniaj siesii skłaŭ 255 tenhie.