U Minskim abłasnym sudzie 19 žniŭnia budzie abvieščany pryhavor u dačynieńni da 30-hadovaha nieadnarazova sudzimaha žychara Minskaha rajona, jaki abvinavačvajecca ŭ naŭmysnym zabojstvie dźviuch asob, učynienym z asablivaj žorstkaściu, naŭmysnym źniščeńni i paškodžańni majomaści šlacham padpału, jakoje paciahnuła pryčynieńnie ŭronu ŭ bujnym pamiery, i ŭ naŭmysnym zabojstvie, učynienym z metaj utaić inšaje złačynstva.
Nahadajem, 1 listapada 2014 hoda ŭ 21.55 u Mačuliščach u domie 49-hadovaha miascovaha žychara ŭźnik pažar.
Vyklikanyja na miesca zdareńnia supracoŭniki MNS, patušyŭšy ahoń, vyjavili na papiališčy trupy haspadara doma i jaho 49-hadovaj sužycielki. Pavodle zaklučeńnia sudova-miedycynskaj ekśpiertyzy, śmierć abodvuch nastupiła ad nažavych ranieńniaŭ tvaru i šyi.
Supracoŭnikami kryminalnaha vyšuku Minskaj rajonnaj i abłasnoj milicyi była atrymana apieratyŭnaja infarmacyja pra mahčymaje dačynieńnie da ŭčynieńnia złačynstva 30-hadovaha, nieadnarozova sudzimaha miascovaha žychara, jaki nidzie nie pracuje. Padazravanaha zatrymali 6 listapada.
Pavodle infarmacyi śledčych orhanaŭ, na pieršapačatkovym etapie rasśledavańnia śledča-apieratyŭnaja hrupa ŭ karotkija terminy sabrała nieabchodnyja danyja: byli ŭstanoŭleny asoby paciarpiełych, zafiksavany prykmiety, jakija śviedčać pra sproby ŭtojvańnia śladoŭ zabojstva šlacham padpału, a taksama ŭstanoŭlena dačynieńnie da ŭčynieńnia złačynstvaŭ peŭnaha čałavieka.
Akramia taho, padčas rasśledavańnia źjavilisia dadatkovyja fakty supraćpraŭnych dziejańniaŭ fihuranta.
Śledčyja ŭstanavili, što padazravany z metaj utojvańnia złačynstvaŭ učyniŭ zabojstva ŭ dačynieńni da vidavočca trahičnych padziej.
Mužčynie vystavili abvinavačańni pavodle p. 1 č. 2 art. 139 (zabojstva dźviuch i bolš asob), č. 2 art. 218 (naŭmysnaje źniščeńnie abo paškodžańnie majomaści, učynienaje ahulnaniebiaśpiečnym sposabam) Kryminalnaha kodeksa.
