Realnyja najaŭnyja hrašovyja dachody biełarusaŭ (za vylikam padatkaŭ, zboraŭ i ŭznosaŭ, skarektavanyja na indeks spažyvieckich cen na tavary i pasłuhi) u I paŭhodździ 2015 hoda skłali 95,1% da takoha ž pieryjadu 2014-ha, paviedamlaje Nacyjanalny statystyčny kamitet.
Realnyja dachody z pačatku hoda padajuć pastajanna: u studzieni — na 2,5%, studzieni—lutym — na 3,4%, studzieni—sakaviku — na 3,8%, studzieni—krasaviku — na 4,8%, studzieni—mai — na 5%. Apošnija dadzienyja pakazvajuć, što padzieńnie spyniłasia.
Realnyja najaŭnyja hrašovyja dachody nasielnictva (% da adpaviednaha pieryjadu papiaredniaha hoda)
Charakterna i toje, što ŭ ahulnym abjomie hrašovych dachodaŭ zarobki praciahvajuć zajmać 60,6%, dachody ad pradprymalnickaj i inšaj dziejnaści, jakaja prynosić dachod, — 7,9%, tranśfierty nasielnictvu (piensii, dapamohi, stypiendyi i inšyja tranśfierty nasielnictvu) — 23, 2%, dachody ad ułasnaści i inšyja dachody — 8,3%.
Bolš za ŭsich «źbiadnieła» za paŭhoda Bresckaja vobłaść — na 6,1%. Mienš za ŭsich — Minsk (na 3,6%).
Realnyja najaŭnyja hrašovyja dachody nasielnictva pa abłaściach i h. Minsku ŭ I paŭhodździ 2015 (% da adpaviednaha pieryjadu 2014 hoda)
U 2014 hodzie ŭ ahulnym abjomie hrašovych dachodaŭ apłata pracy zajmała 63,8%, dachody ad pradprymalnickaj i inšaj dziejnaści, jakaja prynosić dachod, — 10,4%, tranśfierty nasielnictvu (piensii, dapamohi, stypiendyi i inšyja tranśfierty nasielnictvu) — 20,9%, dachody ad ułasnaści i inšyja dachody — 4,9%.
Čytać całkam:
