Fota z sajta bodyfullhd.com.br
Dackija miedyki daśledavali suviaź miž uzroŭniem intelektu ŭ maładości i fizičnymi zdolnaściami ŭ stałym uzroście i raspaviali pra vyniki ŭ časopisie Journal of Aging and Health.
Čym razumniejšym byŭ čałaviek na pačatku samastojnaha žyćcia, tym bolš jany zmahli prysieści i tym vyšej padskočyć u stałym uzroście. Mahčyma, razumniejšyja lepiej razumieli infarmacyju pra svajo zdaroŭje i sposaby zastavacca zdarovymi.
Daśledčyki pravieryli infarmacyju pra zdaroŭje 2848 dackich mužčyn 1953 i 1959-1961 hadoŭ naradžeńnia, kali tym było 48-56 hod, i paraŭnali jaje sa źviestkami pra ŭzrovień intelektu na pačatku samastojnaha žyćcia. Žančyny ŭ daśledavańni nie razhladalisia.
Lišnija 10 bałaŭ da IQ dali ŭ siarednim dadatkovy 1 sm vyšyni padskokaŭ i lišnija 1,1 prysiadańniaŭ za 30 siekund, a taksama padvysili pakaźniki mocy ŭ pajaśnicy i rukach, lepšaje na 3,7% trymańnie raŭnavahi.
Vierahodnaj pryčynaj suviazi fizičnaha zdaroŭja i intelektu navukoŭcy nazyvajuć toje, što ludzi ź lepšym intelektam lepiej razumiejuć infarmacyju pra zdaroŭje — jak vynik jany bolš trenirujucca, pravilniej charčujucca i viaduć zdaraviejšy ład žyćcia.
Miedyki prapanujuć zrabić infarmacyju pra zdaroŭje i sposaby jaho zachavańnia da staraści dastupnaj ludziam z roznym uzroŭniem intelektu. Ale adznačajuć, što patrebnyja dadatkovyja daśledavańni miechanizmaŭ, što źviazvajuć uzrovień intelektu i zdaroŭje, kab viedać, jak «atakavać» tych, chto nie ŭsprymaje infarmacyju pra zdarovy ład žyćcia.
