Adzin z pačynalnikaŭ biełaruskaha roku, lidar hurtu «Krama» Ihar Varaškievič 15 žniŭnia adznačaje svajo 55-hodździe.
Muzyka kaža, što nie nadta daviaraje jubilejam, jakija časta nie vielmi dobra zakančvajecca, tamu budzie siońnia śviatkavać razam ź siabrami la doma pad jabłyniami.
A 30 žniŭnia – z prychilnikami – na vialikim kancercie hurta «Krama» u kłubie Re:Public.
Muzyka naradziŭsia ŭ Baranavičach, vučyŭsia na mastaka ŭ teatralna-mastackim instytucie. U 80-ja byŭ vakalistam i lidaram hurta «Bonda». U 1989 hodzie «Bonda» raspałasia, i Varaškievič syšoŭ u «Rokis», jaki ŭ 1991 hodzie źmianiŭ nazvu na «Kramu». U 1994 hodzie «Krama» atrymała pieršuju rok-karonu na «Rok-karanacyi» jak hurt hoda.
Letaś hurt adznačyŭ svajo 25-hodździe vialikim kancertam i vychadam novaha alboma «Biełaja vada». Usiaho ŭ dyskahrafii hurta vosiem kružełak.
Jeŭraradyjo (i «Naša Niva») dałučajucca da vinšavańniaŭ kaleh i siabroŭ i žadaje adnamu z hienierałaŭ ajčynnaha roku dobraha zdaroŭja, svabody i šmat krutych piesień. Sto hadoŭ, Ihar Varaškievič!
