U piatnicu dziesiać pravasłaŭnych aktyvistaŭ u supravadžeńni achovy pryjšli na vystavu skulptur 60—70-ch hadoŭ. Kiraŭnik ruchu Dźmitryj Caryonaŭ (Entea) nazvaŭ ekspanaty bluźnierskimi i abvinavaciŭ arhanizataraŭ u parušeńni zakona «Ab abaronie pačućciaŭ viernikaŭ».
Vierniki admaŭlalisia pakidać vystavu da momantu jaje zakryćcia, adnak byli zatrymanyja supracoŭnikami pravaachoŭnych orhanaŭ i dastaŭleny dla razboru ŭ adździeł palicyi.
U Ruskaj pravasłaŭnaj carkvie ŭ suviazi ź incydentam pieraścierahli viernikaŭ ad pravaparušeńniaŭ. «Va ŭsim pavinna vykonvacca zakonnaść. Kali Caryonaŭ (Entea) zakon parušyŭ, chaj adkazvaje pa ŭsioj strohaści. Ale zakon pavinny vykonvać i tyja, chto ładzić vystavy», — zajaviŭ kiraŭnik Sinadalnaha adździeła pa ŭzajemaadnosinach Carkvy i hramadstva protaijerej Usievaład Čaplin.
U svaju čarhu kiraŭnik prezidenckaj rady pa pravach čałavieka (SPČ) Michaił Fiadotaŭ paraŭnaŭ dziejańni ŭdzielnikaŭ pravasłaŭnaha hramadskaha ruchu «Božaja vola» na čale ź Dźmitryjem Caryonavym «Maniežy», ź dziejańniami radykałaŭ z «Isłamskaj dziaržavy».
Pravasłaŭnyja aktyvisty, vykazaŭ upeŭnienaść kiraŭnik SPČ, ździejśnili złačynstva. «Pryčym havorka idzie nie ab adnym, a ab niekalkich artykułach Kryminalnaha kodeksa. Upeŭnieny, što našy śledčyja orhany daduć adekvatnuju pravavuju acenku ździajśnieńnie dziejańniaŭ», — zajaviŭ Fiadotaŭ, padkreśliŭšy, što nichto nie maje prava razburać skulptury.
