Ekspazicyja Nacyjanalnaha mastackaha muzieja papoŭnicca karcinami uradžencaŭ Biełarusi: u karparatyŭnaj kalekcyi Biełhazprambanka nabyli novyja karciny.
Siarod hetych tvoraŭ karciny Apalinaryja Haraŭskaha «Zamak» (1869 hod), Ryhora Babroŭskaha «Uletku. Vietrany dzień» (1920—1930 hh.) i Fierdynanda Ruščyca «Piejzaž. Vilija». Paśla restaŭracyjnych rabot niekatoryja z pryviezienych u Minsk karcin buduć vystaŭlenyja ŭ Nacyjanalnym mastackim muziei.
Apalinaryj Haraŭski «Zamak». Pałatno na kardonie, alej. 24,8 x 30,9 sm. 1869 h. Z karparatyŭnaj kalekcyi Biełhazprambanka
Ryhor Babroŭski «Uletku. Vietrany dzień». Pałatno, alej. 22,3 x 28,8 sm. 1920—1930 hh. Z karparatyŭnaj kalekcyi Biełhazprambanka
Fierdynand Ruščyc «Piejzaž. Vilija». Kardon, alej. 57,5 x 46 sm. Z karparatyŭnaj kalekcyi Biełhazprambanka
Dahetul ŭ Biełarusi zachoŭvalisia tolki dźvie pracy Ruščyca, adna ź jakich («Chleŭ i prasła dla siena») była nabyta raniej Biełhazprambankam, a druhaja («La kaścioła») znachodzicca ŭ zbory Nacyjanalnaha mastackaha muzieja.
