Pakistan i pakistanskija pradprymalniki mohuć raźličvać na Biełaruś u centry Jeŭropy, zajaviŭ Alaksandr Łukašenka, adkryvajučy Biełaruska-pakistanski biźnies-forum.
«Kali vy chočacie pracavać u Jeŭrazijskim ekanamičnym sajuzie, na jaho prastory, u Jeŭrapiejskim sajuzie — vy možacie całkam raźličvać na Biełaruś. My stvorym dla vašaha biźniesu, dla vašych pradprymalnikaŭ nieabchodnyja ŭmovy dla takoj pracy», — skazaŭ Łukašenka, dadaŭšy, što hetak ža z terytoryi Biełarusi pracuje Kitajskaja Narodnaja Respublika.
«Stvaryŭšy vytvorčaść ŭ Biełarusi, vy budziecie mieć bieśpieraškodny vychad na rynak Jeŭrazijskaj ekanamičnaj sajuza i taksama aktyŭna zmožacie pracavać sa svaimi tavarami, sumiesna stvoranymi tavarami na rynku Jeŭrapiejskaha sajuza», — adznačyŭ kiraŭnik dziaržavy. Biełaruś taksama zaprašaje pradstaŭnikoŭ dziełavych kołaŭ da supracoŭnictva na ŭzroŭni rehijonaŭ. «Raźvivajučy handlova-ekanamičnyja i inviestycyjnyja adnosiny pamiž Biełaruśsiu i Pakistanam, varta zaŭsiody mieć na ŭvazie tyja vielizarnyja pierśpiektyvy, jakija niasie ŭ sabie ich rehijanalny i hłabalny kantekst», — adznačyŭ Alaksandr Łukašenka.
