Pryčynaj adklučeńnia minskaj padstancyi «Zialony Łuh» i masavaha adklučeńnia spažyŭcoŭ 8 žniŭnia stała kunica.
Jak paviedamlaje pres-słužba DVA «Biełenierha», u 23.40 dyśpietčaru Minskich kabielnych sietak pastupiła infarmacyja z padstancyi «Zialony Łuh» pra adklučeńnie transfarmatara. Dla vyśviatleńnia pryčyn na abjekty raźmierkavalnaj sietki 10 kV i na padstancyju «Zialony Łuh» byli nakiravany čatyry apieratyŭna-vyjaznyja bryhady.
Pry ahladzie padstancyi bryhada ŭstanaviła, što paškodžańnia asnoŭnaha siłavoha abstalavańnia niama i haračaje nadvorje nie paŭpłyvała na pracu abstalavańnia. Pry ahladzie adkrytaj raźmierkavalnaj pryłady padstancyi vyjaŭlena, što na pierakryćcio apornaj izalacyi raźjadnalnika na transfarmatary ŭłasnych patreb trapiła kunica. «Žyvioła mocna apaliłasia, spatrebiłasia čystka izalacyi ad jaje pareštkaŭ, pakolki luboje samaje małoje zabrudžańnie izalacyi moža pryvieści da paŭtornaha adklučeńnia abstalavańnia. Niahledziačy na poźni čas, na padstancyju byŭ vyklikany ramontny piersanał, jaki paśla dopusku adrazu ž raspačaŭ pracu», — paviedamili ŭ «Biełenierha».
