Žychara Tajłanda prysudzili da 30 hadoŭ pazbaŭleńnia voli za abrazu manarcha ŭ sacyjalnaj sietcy Facebook. Vajenny sud u Banhkoku vynies taki prysud Panhsaku Srybaanpienhu za šeść pastoŭ u sacsietcy.
Heta adzin z samych surovych prysudaŭ, vyniesienych pa dziejsnym zakanadaŭstvie ab abrazie karala.
U Tajłandzie praduhledžanaje strohaje pakarańnie za raspaŭsiud materyjałaŭ, jakija mohuć abrazić karaleŭskuju siamju — zhodna z zakonam, kožny punkt abvinavačvańnia moža dadać da pakarańnia 15 hadoŭ turmy.
Pa słovach advakatki, za kožny post Srybaanpienh atrymaŭ 10 hadoŭ, ale paśla sud skaraciŭ turemny termin udvaja. Jana skazała, što heta rekordny termin za padobnaje pravaparušeńnie.
U apošni čas u Tajłandzie značna ŭzrasła kolkaść padobnych sudovych pieraśledaŭ za abrazu manarcha.
86-hadovy karol Pumipon Aduljadet źjaŭlajecca najstarejšym z kirujučych manarchaŭ.
