Kiraŭnika pasiałkovaj administracyi Kaktebiela Raścisłava Starožyka znajšli paviešanym, paćvierdziła prakuror anieksavanaha Rasijaj Kryma Natalla Pakłonskaja.
Miascovyja ŚMI sa spasyłkaj na krynicy raniej raspaŭsiudzili hetuju infarmacyju, padkreśliŭšy, što śmierć Starožyka moža być źviazanaja z kryminałam.
Pa słovach nienazvanych krynic, jašče 6 žniŭnia kiraŭnik pasiałkovaj administracyi vioŭ «aktyŭnaje žyćcio, chadziŭ z načalnikam palicyi i vidavočna nie źbiraŭsia viešacca».
Adnak Natalla Pakłonskaja zaklikała nie rabić paśpiešlivych vysnoŭ.
«Ciapier na miescy pracuje śledča-apieratyŭnaja hrupa, pačataja daśledčaja pravierka. Pa jaje vynikach budzie pryniata rašeńnie albo ab raspačaćci kryminalnaj spravy, albo ab admovie ŭ raspačaćci. Jakich-niebudź viersij my nie vykazvajem, tamu što ŭsim zajmajecca Śledčy kamitet», — skazała jana.
Raścisłaŭ Starožyk staŭ kiraŭnikom pasiałkovaj administracyi Kaktebiela 28 krasavika 2015 hoda pa rasparadžeńni administracyi Fieadosii.
