Hramadzianin Rasii Uładzimir Starkoŭ, zatrymany ŭkrainskimi pamiežnikami na kantrolnym poście «Biarozavaje» (Danieckaja vobłaść), pryznaŭsia, što źjaŭlajecca kadravym rasijskim vajennym.
Pra heta zajaviŭ kiraŭnik Słužby biaśpieki Ukrainy Vasil Hrycak, paviedamlaje Interfaks.
«Adrazu paśla zatrymańnia Starkoŭ pryznaŭsia ŭ tym, što jon źjaŭlajecca hramadzianinam Rasii, što naležyć da kadravaha składu Uzbrojenych sił RF», — zajaviŭ Hrycak na bryfinhu ŭ sieradu ŭ Kijevie.
U svaju čarhu kiraŭnik Dziaržaŭnaj pamiežnaj słužby Viktar Nazaranka paviedamiŭ, što pamiežniki zatrymali hramadzianina Rasii Uładzimira Starkova, 1978 h.n., žychara Chabaraŭskaha kraju, a taksama ŭkrainca Rusłana Jotku, 1967 h.n.
Nahadajem, kala 22.00 25 lipienia supracoŭniki Dziaržpahransłužby na kantrolnym poście «Biarozavaje» zatrymali «KamAZ», bitkom nabity bojeprypasami. Transpartnym srodkam, jaki zajechała na kantrolny post z terytoryi časova niepadkantrolnaj Ukrainie, ruchalisia dvoje asob u vajennaj formie. Adnym ź ich akazaŭsia kadravy vajenny uzbrojenych sił RF — major Uładzimir Starkoŭ, druhi zatrymany naležyć da niezakonnych uzbrojenych farmavańniaŭ.
