Rybnyja stravy pavinny stać brendam Naračanskaha rehijona. Adpaviednaje daručeńnie daŭ staršynia Minabłvykankama Siamion Šapira siońnia na vyjaznym pasiadžeńni pa pytańniach raźvićcia kurortnaj zony Naračanskaha rehijona.
Siamion Šapira źviarnuŭ uvahu, što Naračanski rehijon viadomy svaimi vodnymi resursami, i mnohija turysty jeduć na kurort, u tym liku kab pakaštavać stravy z ryby. «U mieniu ŭsich ustanoŭ u kurortnaj zonie pavinny być rybnyja stravy», — daručyŭ jon.
Načalnik upraŭleńnia handlu i pasłuh Minabłvykankama Taćciana Šaŭcova raskazała, što śpiecyjalisty prainśpiektavali ŭžo miascovyja mahaziny, kafe i restarany, i praktyčna va ŭsich ź ich byŭ šyroki asartymient rybnaj pradukcyi. Pavodle słoŭ Taćciany Šaŭcovaj, u mnohich sanatoryjach ciapier pravodziacca rybnyja dni i dni biełaruskaj kuchni. Akramia taho, dadatkova buduć arhanizavany handlovyja placoŭki, dzie turysty zmohuć kupić žyvuju rybu, kab potym pryhatavać jaje samastojna.
U Miadzielskim rajonie zaviaršajecca realizacyja Dziaržaŭnaj prahramy raźvićcia kurortnaj zony Naračanskaha rehijona na 2011-2015 hady. Pa vynikach realizacyi dziaržprahramy na bazie kurortnaj zony budzie stvorany bujny azdaraŭlenčy, kulturna-zabaŭlalny i turystyčny centr.
