Šviedski kancern IKEA i asacyjacyja biaśpieki spažyŭcoŭ ZŠA zaklikali amierykancaŭ, jakija nabyli kamody IKEA madeli Malm ni ŭ jakim vypadku im nie karystacca, kali jon nie prymacavany da ściany.
ikea.com
Jak paviedamlajuć u IKEA, u kampaniju paviedamili ŭžo pra dva vypadki, kali kamoda padała na dziaciej i pryciskała ich naśmierć.
Havorka idzie ŭ pieršuju čarhu pra kamodu madeli Malm, jakich u ZŠA pradali kala 7 młn, adnak u zajavie IKEA i amierykanskaha rehulatara havorycca i pra inšyja kamody IKEA, jakich u štatach pradadziena kala 20 młn. Takim čynam, usiaho prahrama viartańnia zakranie 27 młn kamod.
Choć jurydyčna prahrama ličycca adklikańniem praduktu, IKEA nie zaklikaje pakupnikoŭ viartać šafy ŭ kramy. Zamiest hetaha amierykancam prapanujecca biaspłatna atrymać u kramie nabor krapiažoŭ i prykrucić svaje kamody da ściany. Kali hetaha nie zrabić, to kamodaj ni ŭ jakim razie nielha karystacca, papiaredžvaje kampanija.
