Kaardynatar kampanii nazirańnia «Prava vybaru» Dzianis Sadoŭski prysutničaŭ na pasiadžeńni, dzie abviaščaŭsia skład ahulnaharadskoj i terytaryjalnych minskich vybarčych kamisij. Ad demakratyčnych siłaŭ tudy ŭvajšli tolki try čałavieki. Usiaho ž u staličnych kamisijach 130 čałaviek.
«Paśla analizu składu kamisij na papiarednich vybarach i na budučych vyvodzicca cikavaja ličba: 65% ad usich siabraŭ zastajucca tymi ž samymi. Tolki kaśmietyčna zamianiajucca pradstaŭniki demakratyčnych siłaŭ i hramadskich arhanizacyj, jakija vyhladajuć padstaŭnymi. Amal nijakich mahčymaściaŭ realna trapić u skład vybarčych kamisij u bolšaści pradstaŭnikoŭ demakratyčnych sił i ŭvohule hramadskaści niama», — pierakanany Sadoŭski.
Naziralnik ličyć, što vybary prezidenta płanujucca pa toj ža samaj schiemie, jak i ŭ 2010 hodzie.
«Na žal, my kanstatujem fakt, što nijakich surjoznych źmienaŭ niama. I chutčej za ŭsio, možna zaraz kazać, što rychtujucca tyja ž samyja falsifikacyi, jakija byli», — miarkuje Sadoŭski.
U Minski haradski vybarkam ad Partyi BNF uvajšoŭ Źmicier Kaśpiarovič, pradstaŭnik BSDP(H) trapiŭ u Zavodski vybarkam, a «Spraviadlivaha śvietu» — u Saviecki.
