Lipieckaja kandytarskaja fabryka Roshen, jakaja naležyć prezidentu Ukrainy Piatru Parašenku, vyjhrała sud ŭ Fiederalnaj padatkovaj słužby Rasii.
Pavodle dadzienych infarmahienctvaŭ, abłasny arbitraž pryznaŭ niezakonnym rašeńnie FNS naličyć fabrycy 35 młn rubloŭ pieniaŭ i štrafaŭ. Akramia taho, sud skasavaŭ rašeńnie padatkavikoŭ nie kampiensavać fabrycy 26 młn rubloŭ PDV.
Pryčyny pryniaćcia takoha rašeńnia nieviadomyja, pakolki apublikavanaja tolki jaho rezalutyŭnaja častka. Matyviroŭka budzie dadzienaja paźniej. U bakoŭ jość miesiac na abskardžańnie pryniataha arbitražam rašeńnia.
Abodva abskardžanyja fabrykaj rašeńni padatkaviki pryniali pa vynikach apošniaha kvartała minułaha hoda. Pretenzii ŭ FNS vyklikaŭ dahavor fabryki z budaŭničaj kampanijaj «Mietalimpres».
Padatkaviki ličyli, što kampanija vykonvała raboty pa zavyšanaj canie, što dazvoliła fabrycy atrymać nieabhruntavanuju padatkovuju vyhadu za košt zavyšeńnia padatkovych vylikaŭ pa PDV.
Akramia FNS, pretenzii da fabryki vykazvaŭ Śledčy kamitet Rasii. Jaho pradstaŭniki śćviardžajuć, što za košt padobnaj schiemy Roshen ŭ 2012 i 2013 hadach skraŭ z rasijskaha biudžetu 180 młn rubloŭ.
U dačynieńni da fabryki była raspačataja sprava ab machlarstvie. Na pradpryjemstvie adbylisia pieratrusy. Akramia taho, sud aryštavaŭ majomaść Roshen ahulnym koštam kala 2 młrd rubloŭ.
Lipieckaja fabryka Roshen źjaŭlajecca rasijskim daččynym pradpryjemstvam adnajmiennaha ŭkrainskaha kancerna, zasnavanaha Piatrom Parašenkam jašče da pačatku jaho palityčnaj karjery.
U pačatku červienia prezident paabiacaŭ pradać svoj biznes, kab paźbiehnuć kanfliktu intaresaŭ.
