Prezident Ukrainy Piatro Parašenka daručyŭ svaim pradstaŭnikam ŭ Kantaktnaj hrupie padpisać pahadnieńnie ab 30-kiłamietrovaj bufiernaj zonie ŭ Danbasie. Pra heta jon zajaviŭ padčas svajho vizitu ŭ Łuhanskuju vobłaść.
UNIAN
«Ja ŭnios i daručyŭ našym pradstaŭnikam (u Kantaktnaj hrupie) padpisać z ABSIE i RF pahadnieńnie, jakoje budzie harantavać 30-kiłamietrovuju bufiernuju zonu ŭ zonie sudakranańnia — advieści tanki, artyleryju, i zrabić tak, kab u Sievieradaniecku, Lisičansku, Papasnaj nie było čuvać kananad», — skazaŭ jon.
Pa słovach Parašenki, 21 lipienia ŭ Minsku «ŭdałosia dasiahnuć hetych damoŭlenaściej». Prezident raźličvaje, što «praź niekalki dzion pačniecca advod uzbrajeńniaŭ pad kantrolem ABSIE».
«Ja vielmi spadziajusia, što heta realny pačatak realnaha spynieńnia ahniu, vyzvaleńnie zakładnikaŭ i zabieśpiačeńnie kantrolu nad zachavańniem miru», — dadaŭ Parašenka.