Za parušeńnie mihracyjnaha zakanadaŭstva z Rasii mohuć vysłać 2 700 000 zamiežnikaŭ, zajaviŭ u sieradu kiraŭnik Fiederalnaj mihracyjnaj słužby (FMS) RF Kanstancin Ramadanaŭski.
«2 700 000 zamiežnikaŭ zaraz znachodziacca ŭ Rasii ŭ tak zvanaj hrupie ryzyki, jany pieravysili 90-dzionny termin znachodžańnia pry adsutnaści aformlenych dakumientaŭ na pracoŭnuju dziejnaść», — zajaviŭ kiraŭnik FMS. Pavodle jaho słoŭ, ŭjezd u Rasiju ŭžo začynieny dla bolš 1.460.000 čałaviek.
Pa dadzienych kiraŭnika viedamstva, bolšaść tych, chto parušaje zakanadaŭstva ab mihracyi — hramadzianie Ukrainy. Ciapier u Rasii, pa jaho dadzienych, znachodziacca bolš za 2,6 młn hramadzianaŭ Ukrainy: «2 młn 642 tys. hramadzianaŭ Ukrainy. Ź ich 1.000.000 38 tys. — z paŭdniova-ŭschodnich abłaściej. 21 tys. utrymlivajucca ŭ 369 punktach časovaha raźmiaščeńnia», — skazaŭ ministar.
U toj ža čas Ramadanaŭski padkreśliŭ, što na dadzieny momant niemetazhodnym abjaŭlać mihracyjnuju amnistyju ŭ RF.
«Ja liču, što ŭ amnistyi nieabchodnaści niama. Na siońniašni dzień jak takoj amnistyi nie patrabujecca. Čas pakaža», — skazaŭ Ramadanaŭski na pres-kanferencyi ŭ sieradu.
