Animacyjnaja studyja Pixar apublikavała pieršy trejler svajho novaha filma «Dobry dynazaŭr». Videa źjaviłasia ŭ aŭtorak, 21 lipienia, na aficyjnym kanale YouTube.
Pavodle zadumy karciny, dynazaŭry zusim nie vymierli, a praciahnuli isnavać na Ziamli. A hałoŭnym piersanažam źjaŭlajecca apatazaŭr Arła, jaki źbiahaje z doma i sustrakaje čałaviečaje dziciania Spota. Ź im jany adrazu pačynajuć siabravać i adpraŭlajucca ŭ dalokaje padarožža.
Suśvietnaja premjera multfilma zapłanavanaja na 25 listapada 2015 hoda.
Pixar Animation Studios — amierykanskaja kinastudyja, zasnavanaja ŭ 1979 hodzie režysioram Džordžam Łukasam. Ciapier jana naležyć kampanii Walt Disney Pictures.
Kampanija viadomaja dziakujučy svaim multyplikacyjnym filmam, a taksama jana źjaŭlajecca raspracoŭščykam pieradavych rašeńniaŭ u halinie trochmiernaj kampjutarnaj hrafiki.
Apošni ich multfilm — «Hałavałomka» (Inside Out).
