19 lipienia z ranicy na Zialonym moście pracujuć rabočyja. Raspačaty pracy pa demantažy savieckich skulptur.
Śpiecyjalisty nieadnarazova kanstatavali, što skulptury znachodziacca ŭ avaryjnym stanie i ŭjaŭlajuć niebiaśpieku dla minakoŭ. Vysnovy najnoŭšaj ekśpiertyzy śpiecyjalistaŭ Vilenskaha techničnaha ŭniviersiteta imia Hiedymina pakazali, što za apošnija 6 hadoŭ raskoliny pavialičylisia, i praces paskoryŭsia.
Niestabilnyja častki skulptur u luby momant mohuć zvalicca na minakoŭ abo na nabiarežnuju raki. Pa słovach ekśpiertaŭ, kali buduć marudzić, to ŭ budučyni z-za avaryjnaha stanu skulptury składana budzie demantavać.
Departamient kulturnaj spadčyny dazvoliŭ meryi časova źniać skulptury, kab ich možna było adrestaŭravać, adnak ź śpisu kulturnych kaštoŭnaściaŭ ich nie vykraślili.
Tolki kali ich vykraślać sa śpisu, skulptury možna budzie nie viartać na raniejšaje miesca. Pytańnie restaŭracyi skulptur meryja budzie vyrašać paźniej.
Čatyry skulptury — rabočych, sialan, studentaŭ i vajskoŭcaŭ — źjavilisia na moście ŭ 1952 hodzie. Krytyki ličać hetyja skulptury častkaj savieckaj prapahandy. Na ich dumku, skulptury raniać ludziej, jakija zmahalisia za vyzvaleńnie Litvy. Tyja, chto vystupaje ŭ abaronu skulptur, nazyvajuć ich častkaj historyi.