Fatarobat, składzieny pa apisańni złačyncy. Vyjava: guvd.gov.by
Minskaja milicyja šukaje mužčynu, padazravanaha ŭ sieryi zhvałtavańniaŭ. Kompleks apieratyŭna-vyšukovych mierapryjemstvaŭ pakul nie prynies vynikaŭ.
Nieviadomy čakaŭ maładych žančyn u biaźludnym miescy ŭviečary i ŭnočy, zavodziŭ ź imi razmovy, chapaŭ za horła, źbivaŭ z noh, biŭ, zatym hvałciŭ.
Miarkujecca, što za zhvałtavańniami ŭ rajonie vulicy Anharskaj u 2002 hodzie, u rajonie Karžanieŭskaha ŭ 2003-m, u rajonie Krupskaj u 2004-m i ŭ rajonie Kazimiraŭskaj u 2014-m staić adzin i toj ža čałaviek.
Pa ŭdakładnienych prykmietach, mužčyna z vyhladu maje 45-50 hod, rost 165-170 sm, siaredni ciełaskład. Na tvary hłybokija zmorščyny. Moža być apranuty nie pa siezonie: viazanaja šapka ciomnaha koleru z advarotam, kurtka ŭcieplenaja (ci palito) ciomnaha koleru (mahčyma, karyčnievaha) z futravym kaŭniarom. Pa słovach paciarpiełych, ad adzieńnia zychodzić niepryjemny pach vołkaści.
Mahčyma, mužčyna złoŭžyvaje śpirtnymi napojami. Jość mierkavańnie, što złačynca moža być žycharom pryvatnaha siektaru. Pry sabie ŭ padazravanaha moža być hazavy bałončyk.
Milicyja prosić dapamohi ŭ vyjaŭleńni asoby złačyncy. Lubuju infarmacyju prosiać paviedamlać pa telefonach (017) 239-47-51 ci (044) 751-09-98, kanfidencyjnaść harantavanaja.
