U vioscy Ciałuša Babrujskaha rajona ź pnieŭmatyčnaha pistaleta paraniena 26-hadovaja dziaŭčyna.
Jak paviedamiła aficyjny pradstaŭnik USK pa Mahiloŭskaj vobłaści Aksana Salaniuk, incydent zdaryŭsia 4 lipienia prykładna ŭ 20.00. «Niekalki čałaviek stajali na vulicy, razmaŭlali. Mima prajazdžaŭ aŭtamabil «Aŭdzi». Raptam ludzi pačuli huk i adna dziaŭčyna adčuła bol u łokci. Jak akazałasia, kula, jakaja trapiła ŭ płot, adskočyła ŭ jaje», — paviedamiła pradstaŭnik śledstva. Ranieńnie, na ščaście, nie ciažkaje, i špitalizacyja paciarpiełaj nie spatrebiłasia.
Stralaŭ ź pistaleta 27-hadovy raniej sudzimy za niezakonny abarot narkatyčnych srodkaŭ žychar Babrujska, jaki jechaŭ u aŭtamabili. Mašynaj kiravaŭ 23-hadovy raniej nie sudzimy babrujčanin.
Abodva, niahledziačy na toje što nie źjaŭlalisia miascovymi žycharami, byli dobra znajomyja žycharam vioski, tamu nieŭzabavie byli apaznanyja i zatrymanyja milicyjaj.
U dačynieńni da abodvuch maładych ludziej 5 lipienia raspačata kryminalnaja sprava na padstavie artykuła «Złosnaje chulihanstva».