Usierasijskaja dziaržaŭnaja televizijnaja i radyjoviaščalnaja kampanija (VDTRK) abviaściła ab zvalnieńni ŭsich supracoŭnikaŭ dyrekcyi spartovych prahram da 1 kastryčnika ŭ suviazi ź likvidacyjaj dyrekcyi, paviedamlaje meduza.io.
U pres-słužbie kampanii heta rašeńnie patłumačyli pieradačaj častoty kanała chołdynhu «Hazprom-miedyja» dla stvareńnia novaha spartyŭnaha telekanała.
Raniej u sieradu supracoŭniki VDTRK ŭ sacyjalnych sietkach paviedamili ab masavych skaračeńniach.
Žurnalist KCHŁ TB Mikita Karaciejeŭ paviedamiŭ, što spartyŭny sajt Sportbox.ru taksama budzie zakryty. Karaciejeŭ adznačyŭ, što ŭsiaho ŭ dyrekcyi spartovych prahram pracujuć 460 čałaviek.
Hałoŭny redaktar spartyŭnych kanałaŭ VHTRK Dźmitryj Hubiernijeŭ admoviŭsia ad kamientaroŭ z nahody dalejšaha pracaŭładkavańnia supracoŭnikaŭ «Rasii 2».
