Prezident Rasii Uładzimir Pucin vykazaŭ zaniepakojenaść dziejnaściu zamiežnych fondaŭ, jakija, na jaho dumku, šukajuć u rasijskich škołach talenavitych vučniaŭ i sprabujuć pieravabić ich za miažu.
«My z vami viedajem, napeŭna, a moža być niechta i nie viedaje, tak zvanyja fondy zamiežnyja pa škołach pracujuć, sietkavyja arhanizacyi prosta šnarać pa škołach šmat hadoŭ pad vyhladam padtrymki talenavitaj moładzi. Na samaj spravie — jak pyłasosam vysmoktvajuć moładź. I ŭsio! Prosta sa škoły abituryjentaŭ biaruć, sadziać na hranty i viazuć», — zajaviŭ Pucin.
Pa słovach prezidenta, Rasija pavinna być hatovaja da kankurencyi ŭ śfiery navukovych raspracovak i technałohij, i ŭ hetaj śfiery nieabchodna zabiaśpiečyć jaje suvierenitet.
«Kab jakija-niebudź źniešnija vykliki, abmiežavańni, sproby strymać Rasiju, a taksama słabaść ŭłasnaha navukovaha patencyjału nie stanavilisia barjeram dla raźvićcia, dla našaha rostu», — dadaŭ Pucin.
