Na kraŭdfandynhavaj płatformie ulej.by viadziecca zbor srodkaŭ na stvareńnie kulinarnaj karty Biełarusi.
Arhanizatary zboru chočuć vydać śpiecyjalnuju kartu, na jakoj budzie paznačana, dzie i jakija biełaruskija stravy možna pasprabavać. Da taho ž płanujecca vydać ilustravany zbornik receptaŭ biełaruskich straŭ z ukazalnikam miescaŭ, dzie ich možna pakaštavać.
«My chočam razam z Vašaj dapamohaj stvaryć Kulinarnuju kartu Biełarusi, uziaŭšy ŭ ruki jakuju Vy zmožacie znajści miesca, dzie hatujuć upadabanuju Vami stravu biełaruskaj kuchni, pajechać pa pakazanym adrasie i pasprabavać usio heta na miescy», – havorycca ŭ prezientacyi prajekta na sajcie.
Varta zaŭvažyć, što kožny, chto dapamoža ŭ zbory srodkaŭ, atrymaje padarunak ad arhanizataraŭ prajekta – jaho pamier zaležyć ad pamieru achviaravańnia.