Pieršy namieśnik ministra lasnoj haspadarki Alaksandr Kulik upeŭnieny — jahadnikaŭ sioleta čakaje niadrenny ŭradžaj sunicaŭ i čarnicaŭ.
Pra heta jon paviedamiŭ siońnia ŭ čas anłajn-kanfierencyi na sajcie BiełTA.
«Sprahnazavać kančatkovy ŭradžaj, viadoma, składana. Adnak možna adznačyć, što ŭ hetym hodzie była dosyć spryjalnaja dla ćvicieńnia jahadnikaŭ viasna, — adznačyŭ Alaksandr Kulik. — Takim čynam, uradžaj jahad pavinien być niadrenny».
Pa asabistych nazirańniach pieršaha namieśnika ministra, vielmi dobra kvitniejuć sunicy ad Stoŭbcaŭ da Łahojska, Krupak, Barysava.
«Tut jahada budzie. Čarnicy taksama. Pra žuraviny kazać možna budzie paźniej», — dadaŭ jon.
«A voś hrybnikoŭ pavinien rasčaravać: małaśniežnaja zima i suchaja viasna nie spryjajuć bahatamu ŭradžaju hryboŭ.
Adnak usio vyrašyć dalejšaje nadvorje i kolkaść apadkaŭ», — adznačyŭ Alaksandr Kulik.
