U Ivacevickim rajonie viečaram 27 sakavika ŭ DTZ z udziełam rejsavaha aŭtobusa paciarpieli try čałavieki.
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, pryblizna ŭ 20.20 na 178-m km aŭtadarohi M1 Brest — Minsk — miaža RF aŭtobus Neoplan, jaki ruchaŭsia pa maršrucie Minsk — Pinsk, źjechaŭ u kiuviet i pierakuliŭsia.
U momant avaryi ŭ aŭtobusie znachodzilisia 56 pasažyraŭ. Troje ź ich (žycharki Ivacevickaha rajona 1987 i 1996 hadoŭ naradžeńnia, žycharka Minska 1988 hoda naradžeńnia ) z udarami i ranami špitalizavanyja ŭ Ivacevickuju centralnuju rajonnuju balnicu.
Pavodle słoŭ vadziciela, pryčynaj DTZ stali prablemy z rulavym kiravańniem.
Neoplan naležyć adnamu z pryvatnych transpartnych pradpryjemstvaŭ Minska. Pa fakcie DTZ pravodzicca pravierka.