U Minsku zavieršana śledstva pa spravie ab machlarstvie mieniedžara pryvatnaj kampanii.
Jak paviedamiŭ aficyjny pradstaŭnik upraŭleńnia Śledčaha kamiteta pa Minsku Alaksandr Hierasimaŭ, u lutym hetaha hoda byŭ zatrymany 29-hadovy viadučy śpiecyjalist pryvatnaj handlovaj kampanii, jaki padbuchtorvaŭ svajho dyrektara da davańnia chabaru słužbovaj asobie dziaržaŭnaha vytvorčaha pradpryjemstva. U dačynieńni da padazronaha raspačali kryminalnuju spravu, jon uziaty pad vartu.
Ustanoŭlena, što złamyśnik paviedamiŭ svajmu kiraŭniku łžyvuju infarmacyju pra vierahodny zryŭ dahavora na pastaŭku pradpryjemstvu słaniečnikavaha šrotu bolš jak na 7 młrd rubloŭ, prava na jakuju pryvatnaja kampanija vyjhrała praz elektronny aŭkcyjon. Jon taksama prapanavaŭ vypravić situacyju šlacham pieradačy hienieralnamu dyrektaru pradpryjemstva chabaru ŭ 4,5 tys. dołaraŭ ZŠA, pra što nibyta jość damoŭlenaść z patencyjalnym chabarnikam. Pry atrymańni valuty ad kiraŭnika mieniedžar byŭ zatrymany z dokazami złačynstva.
Śledčym jon pryznaŭsia, što hrošy źbiraŭsia prysvoić u jakaści kampiensacyi za nieatrymańnie premii pa vynikach minułaha hoda, niahledziačy na toje, što kiraŭnik depremiravaŭ jaho pa abjektyŭnych pryčynach.
Mieniedžaru vystaŭlenaje kančatkovaje abvinavačańnie na padstavie č. 5 art. 16 i č. 2 art. 431 KK (padbuchtorvańnie da davańnia chabaru ŭ bujnym pamiery), a taksama na padstavie č. 3 art. 209 KK (machlarstva, učynienaje ŭ bujnym pamiery).
Padčas rasśledavańnia abvinavačvany pryznaŭ svaju vinu całkam. Śledčymi nakładzieny aryšt na jaho majomaść, u tym liku na aŭtamabil koštam 270 młn rubloŭ.
Papiaredniaje rasśledavańnie zavieršana. Kryminalnaja sprava pieradadziena prakuroru dla nakiravańnia ŭ sud.
