Hatel pad vułkanam Arenał u Kosta-Rycy. Fota: turismo.gob.ec
Dziakujučy zalevam i hieatermalnaj enierhii Kosta-Ryka zmahła prynamsi časova zabiaśpiečyć siabie elektryčnaściu na 100% z alternatyŭnych krynic enierhii, paviedamlaje ScienceAlert.
Praz mocnyja daždžy hidraelektryčnyja abjekty krainy vydali tak šmat enierhii, što spalvać vykapniovaje paliva prosta nie było patreby.
Krainu z nasielnictvam u 4,5 młn čałaviek užo amal try miesiacy niaspynna zabiaśpiečvajuć elektraenierhijaj vada (na hidratermalnyja stancyi ŭ minułym hodzie prychodziłasia 80% vytvorčaści elektryčnaści), viecier, sonca i pierapracoŭka bijamasy.
Pa zajaŭleńniach urada, Kosta-Ryka dasiahnuła nulavoha ŭzroŭniu škodnych vykidaŭ ad vytvorčaści elektryčnaści. Heta asabliva karysna dla krainy, čyja ekanomika aryjentavanaja najpierš na turyzm i ahrasiektar.
***
Kosta-Ryka — nievialikaja kraina ŭ Centralnaj Amierycy. Charaktaryzujecca vysokim indeksam raźvićcia čałaviečaha patencyjału (68 miesca ŭ śviecie). Vałavy ŭnutrany pradukt u 2014 hodzie aceńvaŭsia ŭ 53 młrd dalaraŭ, albo 10,8 tysiač dalaraŭ na čałavieka. Zajmała pieršaje miesca ŭ Suśvietnym indeksie ščaścia ŭ 2009 i 2012 hadach. U 1949 hodzie pieršaj u śviecie likvidavała armiju.
