Dniom 24 sakavika na sajcie ahienctva ŭ natatcy pad zahałoŭkam «Amierykanski rybak złaviŭ na kručok 270-kiłahramovuju akułu» byŭ apublikavany frahmient ulotki «śviatkujem Dzień Voli razam» z vyjavaj «Pahoni». Zatym karcinka była vydalenaja.
fota z fejsbuka Taćciany Karaviankovaj, BiełaPAN
Źjaŭleńnie frahmienta ŭlotki z nahody Dnia Voli na sajcie dziaržaŭnaha ahienctva BiełTA patłumačyli «niekarektnaj pracaj vypuskajučaha redaktara».
Jak patłumačyŭ BiełaPAN hienieralny dyrektar BiełTA Dźmitryj Žuk, malunak źjaviŭsia na sajcie pamyłkova.
«Heta niekarektnaja praca redaktara pa sajcie», — skazaŭ jon, nie ŭdakładniajučy, jakaja mienavita ilustracyja pavinna była być vystaŭlena da natatki pra akułu.
Na pytańnie, ci budzie pakarany redaktar, Žuk adkazaŭ: «Budziem dalej hladzieć, vyznačać».