Śledčyja Navapołackaha haradskoha adździeła Śledčaha kamiteta pravodziać pravierku pa fakcie traŭmiravańnia rabočaha na zavodzie «Palimir» AAT «Naftan», paviedamiła aficyjny pradstaŭnik upraŭleńnia Śledčaha kamiteta pa Viciebskaj vobłaści Ina Harbačova.
Ranicaj 22 sakavika ŭ pravaachoŭnyja orhany z ustanovy achovy zdaroŭja pastupiła paviedamleńnie ab tym, što da ich z dyjahnazam «vostraje atručvańnie sinilnaj kisłatoj, zakrytaja čerapna-mazhavaja traŭma, vyciatyja rany» dastaŭleny rabočy zavoda «Palimir». Ustanoŭlena, što ślesar pry vykanańni rabot udychnuŭ pary sinilnaj kisłaty i, straciŭšy prytomnaść, upaŭ z vyšyni ŭłasnaha rostu.
Śledčyja zrabili ahlad miesca zdareńnia, apytanyja paciarpieły i pradstaŭniki administracyi zavoda, kanfiskavana dakumientacyja, jakaja rehłamientuje praviły praviadzieńnia rabot na pradpryjemstvie.
