Vučni pačatkovaj škoły Siltamaki čytajuć rep u miežach vyvučeńnia «temy». Fota: Jussi Helttunen
U Finlandyi rychtujecca da realizacyi maštabnaja reforma adukacyi, raspaviadaje The Independent.
U 2020 hodzie ŭ finskich školnikaŭ nie budzie takich pradmietaŭ jak matematyka ci chimija — zaniatki buduć prachodzić pa «temach» z uklučeńniem roznych navuk.
U škołach Chielsinki 16-hadovyja vučni ŭžo nie majuć urokaŭ. Jany majuć navučańnie pa «temach» («fienomienach»). Kala 70% nastaŭnikaŭ horada ŭžo prajšli padrychtoŭku da pracy zhodna z novym padychodam.
Adzin z prykładaŭ «temy» — «pracy ŭ kafieteryi». U miežach «kafieteryja» vučni atrymajuć viedy matematyki, zamiežnych moŭ, pravapisu i kamunikacyi. Inšy prykład — tema Jeŭrapiejskaha sajuza. U miežach hetaha «fienomiena» vučni buduć vyvučać elemienty ekanomiki, historyi, moŭ i hieahrafii.
Farmat praduhledžvaje nie pasiŭnaje nazirańnie vučniaŭ za nastaŭnikam, a abmierkavańnie i vyrašeńnie žyćciovych zadač.
Reforma sustreła niamała praciŭnikaŭ siarod nastaŭnikaŭ, mnohija ź jakich pryśviacili žyćcio vykładańniu adnaho pradmieta. Prychilniki reformy zajaŭlajuć, što vykładać pa ŭzory pačatku XX stahodździa ŭ XXI st. užo nie varta.
Da taho ž, nastaŭniki, jakija zasvoili novy padychod (a jon časam praduhledžvaje rabotu na ŭroku bolš za adnaho nastaŭnika), nie chočuć viartacca da tradycyjnaha viadzieńnia ŭrokaŭ, kažuć refarmatary.
Vučni, jakija zajmajucca pa «temach» užo dva hady, majuć lepšyja za svaich adnahodak «zdabytki» ad adukacyi (refarmatary nie ŭžyvajuć słova «adznaki»).
«My chočam, kab vučni vučylisia ŭ biaśpiečnaj, ščaślivaj, spakojnaj i natchnionaj atmaśfiery», — kaža Anna-Mary Jaatynien, dyrektar škoły ŭ Chielsinki, jakaja pryniała novy padychod u navučańni.
U jaje škole zamiest urokaŭ anhlijskaj movy dzieci pa-anhlijsku razvažajuć pra nadvorje ŭ Jeŭropie, vyvučajučy pry hetym i hieahrafiju, a na pierapynkach biehajuć pa kalidorach nie dziela zabavy, a ŭ pošuku infarmacyi pra roznyja častki Afryki.
