Vyjava: The Times / Getty Images
Hienietyki pad kiraŭnictvam Džorža Čorča, prafiesara Harvardskaha ŭniviersiteta, ZŠA, zdoleli intehravać hieny vymierłych mamantaŭ u DNK sučasnych słanoŭ, raspaviadaje The Times.
U chutkim časie navukoŭcy abiacajuć pradstavić vyniki daśledavańnia ŭ recenzavanym navukovym časopisie.
Na siońnia navukoŭcy majuć zdarovyja kletki słana z hienami mamanta, što adkazvajuć za klučavyja prykmiety dahistaryčnych žyvioł: hiemahłabin, poŭść, vialikija vušy, tłuščy.
Prafiesar nie padtrymlivaje ideju kłanavańnia mamantaŭ z zachavanych pareštak mamantaŭ. Čorč vystupaje za paetapnaje adnaŭleńnie hienoma staražytnych žyvioł pa frahmientach DNK, znojdzienym u viečnaj mierzłacie. Ź ciaham času DNK budzie bolš i bolš nabližacca da sapraŭdnaha mamanta.
Kiraŭnik prajektu vieryć, što mamanty zmohuć vykanać važnuju rolu ŭ stabilizacyi ekasistemy sibirskaj tundry.
Dla svajoj raboty jon vykarystoŭvaje kampjutarny instrumient redahavańnia hienomu Crispr. Hety instrumient taksama dazvoliŭ inšaj hrupie navukoŭcaŭ pieradać mutacyi nastupnamu pakaleńniu z efiektyŭnaściu ŭ 97%, što litaralna parušaje zakony hienietyki.
